+Mons. Enrique Díaz Díaz
Obispo Auxiliar
Diócesis de San Cristóbal de Las Casas
Isaías 2,1-5: "Sok ja machit jumasa' oj tojb'uk ja sjutulab'il jumasa' ja'xa sok ja awte' jumasa' i"
Salmo 121: "La'xa tzamal oj wajkotik oj jta' ja Kajwaltiki"
Romanos 13,11-14: "Yoraxa oj jyujb'es jb'ajtik, oj k'e'kotik ja b'a wantik wayel. Ja jkoltajeltiki más mojanxa ay".
San Mateo 24, 37-44: "Talna ab'ajik, sak'an ajyanik..."
Ja xiwela k'inal
< Ja kulan k'ak'anel ja skontra ja k'inali sok ja smajlajel jumasa', wa xya'a jomuk sb'aje' ja'xa wa xya'a oj ch'ayuk ja sk'ujole'i. Jel t'ilan oj cho ta'xuk ja tojol schol ja ixuk winike'i. Jel oj cho ochkotik ti b'a yojol yech ja ye'nle'i b'a oj a'juk ajk'achb'uk ja yaltzile'i, b'a oj cho jlaja jb'ajtik. Mi ma' lajanuk sok ja jastal wantik kulanel pe' wantikto wayel wa la xiwitik, mini wa xkocheluktik. Ja San Pablo'i ti b'a sju'unil wa sk'ana ki'tik oj cho jk'eltik ja yora'il b'a wa lakulanitik ja lom kistal jcholtiki mi oj skoltayotik b'a oj elkotik ele ja b'a tzatzal jk'umaltiki: . Wa slokowotik: "oj b'ejyukotik tojol" ja'xa wa x'awani tzatz lek yuj jas wa sjomo ja kaltziltik: ja niwak wa'elal lom, ja tzatzal jakb'elal, ja stajnel sok ja ixuk winike'i, ja tiro, ja t'ut'ili. Ja ixuk winik jumasa' kajyita oj kulanuke ti b'a snalan ja pojxeli, ti b'a snalan ja likiki. Lajan sok ja lu'umk'inali yajb'umxa ja ixuk winike'i. Ja'ni sk'ak'u'il oj cho jk'eltik sok ja oj cho jta'tik ja tojol sb'ej ja ixuk winike'i.. Ja San Pablo'i wa slokowotik oj kiltik ja Kajwaltik Jesusi, oj jlajtik ja syaj yaltzili b'a oj b'ob' oj jtukb'es ja lu'um k'inali. Ja b'a Cristo wa xta'axi ja lekil smeranil jlamantiki, ja kiptiki, ja sb'ej ja yentoril jlo'iltiki.
Ja machit jumasa' b'a sjutulab'il jumasa'i
< Jel t'ilan oj cho kab'tik sb'ej ja yab'al ja Isaíasi, ja'xa mi kechanuk oj tukb'uk ja machiti b'a sjutulab'ili, ta mi k'a oj jiptik kan ja arma jumasa' , ja yentoril yojyal ja k'ak'aneli, ja'xa chikan jas stupjeli, chikan jas yipali ja ma' wa sle'a oj sjom'otik. Ja stz'akol ja arma jumasa' ja ya'an k'ak'u wa xbo'b' wa xya'a ch'akuk ja swa'in ja b'a snajtil lu'umk'inal. Ta wa xcholo jb'ajtik, ta ja yentoril ixuk winike'i wa xtalna ja jk'inaltiki ojto tzamal toj lek oj kulanukotik ti b'a jnajtiki. Moj xiwkotik, la'xa oj jk'eltik jastal aytiki b'a oj jomo jb'ajtik wa xsutxi ja machiti ja b'a sjutulab'ili ja'ni oj sutxuk ja jk'ak'aneltiki sok ja oj jcholo jb'ajtik sok ja oj cho jta' jb'ajtik
Ja sk'ak'u'il ja smajlajeli
< Ja b'a Adviento mi kechanuk wa xta'axi ja ma' mi tojoluk cha jach'ni wa xmajlaxi sok ja xk'elxi. Ja tojol sneb'uman wa smajla ja'xa wa xya'a oj smajlaye' ja smoj jumasa'i.: "Ja we'nlexi chapani'a ab'ajex" wa xyala yab'ye ja sneb'uman jumasa' ja Jesusi. Ja'xa wa slaja ja untikanel iti sok ja chuy sk'ujol ja untikanel jawi ja ma' wa xyaj ja tzatzal niwak ko'el ja'i. Mi ma' sk'u'an ja ye'na, mi ma' smajlata, anima ja Noé wa xyutaj yi'le' k'ak'u k'ak'u. Lajan junxta ja ya'ani: ja jk'inaltiki wa x'oki ti b'a sti' sat ja jnajtiki: wa xch'aka ch'ayel ja jk'ujoltiki, wa sjomo sb'aje' ja jna'tzil jumasa', mi ma' skisa ja sak'anili, wa sjomo sb'aj ja lu'umk'inali. La'xa oj cho ki'ajtik ja Sje'jeli ja Jesusi, oj jtz'an ja jnichimtiki. La'xa oj cho jmajlatik ja kojyaltiki mi b'i ja'uk ja tak'ini, ta mi k'a ja yech ja syajtanel ja Jesusi.
Advientoni' : chapanon ama b'a ojxa k'ekon b'a ojxa jama ja jsat jumasa' b'a oj jkile lek ja jk'inali. Jastal wa xkab' sb'ej ja ke'na, oj tojb'uk ja machiti b'a sjutulab'ili ja'xa ja awte jumasa' b'a xajlub'al jumasa'. Jastal wa xje'a meran wanonto smajlajeli. JACH'NI'A
No hay comentarios:
Publicar un comentario