martes, 21 de diciembre de 2010

TATA DIOSÏ IREKAKUAERI
XXXII DOMINGO ORDINARIO


+Mons. Enrique Díaz Díaz
Obispo Auxiliar
Diócesis de San Cristóbal de Las Casas


Ima nitamakuaru, andareerasptiks Jesúsïni sama saduceoecha. Eska saduceoecha noks jakjkusïramptiks eska uaririecha tsintaampkaks, k´uramarisptiks: "Jorhentpiri, Moisés jurajkuchistijtsini karakata indengui arhijka eki ma uachikua jatsika ma tsindini inde mimeeri no ma uajpani jukarekata, tembuchantaaka inde tsindiinguni paraki jatsiaguaka uachikuaechani ima mimeri imangui uarika. Jarasptiks ma jandu iumu tsimani mimecha, sanderu k´eri tembuchaspti ka uarispti no uatsiechani jatsipariani. Tsimajkani, tanimuekuaru ka maruteruecha p´ikuntasptiks imani uaritini no ma uatsï jatsiparini. Uarisptistu ima uariiti.
Iasï, eki tsïntskua janoaka, ¿Neerigua ima uariiti, jimboka iumu tsimani jarasptiks tambuchatini imanguni?"
Jesúsï arhiaspti: "arhí irekakuaru, achaatiecha ka uariitiecha tebuchasïndiks, tsimangui sesi irekaaka ka tsintaakaks, noksï tembuchantaati ka ni uatiks uarintani, jimboka jindeuatiks eska angelecha Tata Diosïri, jimboki ima tsintaauati. Ka eska uaririecha tsintasïndiks, imastu Moises arhintasöndi ima karakataru zarzaru, eki ioarejka Achaatini, Tata Diosï Abrahameri, Tata Diosï Isaaceri, Tata Diosï Jacobueri. Jimboka Tata Diosï no jindesti uaririecheri, sino irekatieri, jimboka para ima iaminduecha irekasïndiks". (Lc 20, 27-38).
Irekakua.
Iasï jima k´umanchikuacharu jimangui exentanajka kauiriechani ka tsimangui ikichakua ambe itsutajka kanekua ambe jukaparasti para ambakerantani. Jimboki eka uachikuaecha noks iijka exeantani paasïndiks anaani, meiakpeparini. Arhiasïndiks uandakuaecha ka sesi komarijpekuaparini, ka menchani uinamarikuasïndiks. Marujkusïks usti uemukuntani ima no ambakiti p´amenchakuaru. Uanekua tumbiecha jarastiks ka tsïmangui sanderu no ambe jatsika. Jima jarhasti imangui arhinajka "turipiti", iskusï irekasti, no ambe jatsisti, na jatsisti anchikuareta, ka no ma nenistu ¿andisïni irekantaa? Eskani uariaka, jurajkuni uarini ekini kauirini jaukani isï no jatsiakani p´amerekuani. Isï uandasïndi ima tumbi, irekakuani jue irekantani eska na junguaka, jue irekantani isïku iasï. Uarikua no arhiati, eska sontku janoaka. ¿Materu irekakua? No miteskani eska jauaka materu sanderu ambe jiniani eska tutsekuaru"
Tata Diosï irekatiecheri.
Jesúsï no uandasïndi nasï jindee ima auandaru irekakua. Iasï uetarisïndi eska jucha sesi irekantaaka, no arhiparini eska no ambe tumina jauka. Mitekuaresti eska Ta Diosï k´uiripeta ukuarentaska ka isï xarasïndi eska Jesúsï. Tsimaeri uandakuaecha arhisïndijtsini nasï Tata Diosï jindee ka ambesï uekajki, Tata Diosï jindesti ma p´isïpiri indengui mentku ixu jarajka juchaanguni.
Taate kuerajperi, jaruatajtsini sesi ambe exekuaantani juchari uandaniatechani, uinirantani eropekuanguni ka eska t´ujtsini p´ikunta chiti jajkiecharu, eka uakaks exekuarentani sanderu eropekuanguni chiiti irekakuani. Ka isïsti ia.

No hay comentarios:

Publicar un comentario