periodicociudadrealhoy

BAJCHE´E JIÑI TSUÑUÑ ( CHO´OL )
XIV ROMIÑKUJ MACH´BÄ AÑIK I SUJMLEL



+Mons. Enrique Díaz Díaz
Obispo Auxiliar
Diócesis de San Cristóbal de Las Casas



Ima nitamakuaru, Jesúsï erakuaspti maruteru tanimu ekuatsetembini ka tsimani discipulechani ka axaspti orhepani isï, tsimajkani, iamindu iretaecharu jimangui uekaamka nirani, ka arhiaspti: "p'ikuntskua kanekua jindeesti ka anchikuareriecha noksï uanesti. Komarijpee, iamindu jimbo, imani imangui jatsika mies arhikata eski axaauaka anchikuareriechani echeriecharu. Exeia xanárini; jiksïni axasïnga eski karichiecha terujkani jiuatsiecharu. Asï pee tumina, ka ni sutupu, ni jukandurakuaechani ka asï anaxurie ma neni uandajpani xanariiru. Eki inchaakasï ma ktaaru arhiakastsï: 'Eski p'inaskua jauaka arhi ktaaru'. Ka eki jima jauaka k'uiripu imangui uekajka p'inaskua jatsini, p'inaskua chaari, jauati; eki no, no isï ukuariati. Pakaree imani k'umanchikuaru. T'iree ka itsimee imangui jatsinaaka, jimboki anchikuareri jatsiati imaeri meiamukua. Asï jamae mandani k'umanchikuaru. Mandani iretaaru jimangui cha inchaaka ka eropenaakjtsi, t´iree imanguiksïni intskuaaka. Exeaue p'amenchatiechani ka arhiaue: 'Andareeraxatiksïni ia Tata Diosïri auanda'.
Eki cha inchaaka ma iretaaru ka noksïni erokaaka, uentee ka xanarhaparini arhie: "T'upurintu arhi iretaaru anapu, indengui jucha jukanduraka, p'ikunduntaakaksï ma minda jimbo eski jucha no uekasïnga eski isï ukuariaka. Istu, mitekuarie eski Tata Diosïri auanda ixu jarhasti ia'. Jiksïni arhisïnga eski eki iamindu ambe k'amaraaka, sodoma no istu kamenaati eski arhi iretani".
Tsïma tanimu ekuatse ka tembini tsimani discípuluecha k'uanatsentasptiks tsipeparini ka arhisptiks Jesúsïni: "Achaati, no ambakitiechastu jamberi jarondachisïndijtsini t'u jimbo".
Ima mokukuaspti: "Exeskani no ambakitini uekorentani auandaaru isï eski ma piritakua. Chanksïni intskuska uinapekua para pucharaantani akuitseechani ka t'enakua anatsïechani ka para andapeni iamindu uinapekua enemigueri, ka noksïni ambe uchiati. Peru asï tsipekuarie eki no ambakitiechani cha andaauaka. Tsipentee eki chaari arhikuarikuaecha karakata jauakaksï auandaaru". (Lc 10, 1-12- 17-20).
Eski tsintsuni.
Mitekuanguni, arhiasïrampti ma orhejtakuti tsïmaechani k'uiripuechani tsangui exeampka karárakua maru tsintsuniecheri: "Jatsisti uinapekua para uinani manakuareni -114 kilometru mandani hora-, isï jarhasïndi" no manakuaresïndi tariataru eki uinani manataajka sapirati kaxurakuaechambu -ma k'uiripu no usïndi sesi exentani- ka t'iresïndi tekua indengui p'itaakuajka tsitsikiechani, ka isï uaniatantajka iamindu ambe jarati tsitsikiechani. Ma sapichu kuini jindeesti: tsintsuni". Ka ji no kuatarasïramkani xani exeni enga mandani juriateku jurajka p´orembeni juchaari tsitsiechani. Xani sesi jaxeka, iondira, no k´uetsapeti ka p´itaakujka tekua iamindu tsitsikiiechani, no meni isïkuka jarhasïndi, mentku isï usïndi: jirinasïndi ambakiti ambe mandani tsitsiecharu ka kueraajpeasïndi maruteruechani. ¿No jindeeski inde ukuarekua discípulueri?
No eiankperakuaecha.
No eski iamindu eiankperakuaecha, Jesúsï ainguasïndi discípuluechani tsïmaeri jimbani ukuarekua: uandatsekuarekua, ireta (tsimandani) ka jatsikua espíritueri. No ma ambe k´uetsapeti, jimboki ma p´anikua indengui pakuarenajka ma k´eri xanariiru kamarasïndi eski ma k´eri ambe k´uetsapeti. Eski indengui pajka ma amabkiti uandakua no exekuaresïndi ikichakua ambe, jirinasïndi ambakiti ukua mandani k´uripuuru erokaparini eski p´inaskua jatsiaka ,andani k´umanchukua. Eski tsintsuni, xani sapichitu ka jirinaparini ambakiti ambe ka ukataecha sesi ambe jindeuati: eki pakuarinajka p´inaskua mintsitaaru juskaparini irekakuani. Jindestiksï juramukuaecha Jesúsïri. Iasï uanekua k´uiripuestiks iapuru isï ka juramunasïndi tsïmani " los setenta y dos" arhíkataechani, uekasíndi arhíni eski uanekua k´uripuechasï achaatiecha ka uaritiechasï ukuarekua jatsiti paraksï mintsitaecha kumantauaka Achaatini. Eki exentajka Kristuni, no isïku irekanaati ka exerpenaati no uandaparini imaeri arhínakua.
Komarijpee…
Sanderu k´eri komarijpekua no jjindesti juchiitku, sino imangui komarijpejka para iaminduecha. Eki jucha exeajka juchaari k´uiripuechani, uetarisïndi eski uandatsekuarekuakasï, jimboki eki jjucha uandatsekuarejka uekasïngaksï exentani Jesúsïni. Kurajpeni jindesti miteantani Tata Diosïri uetarintskuaechani ka jatsiantani xanariechani sanderu ambakitiechani; jindesti jakajkukuni Tata Diosïni ka untani juchaari ukuarekuaminixekuanguni. Eki irekanajka eski Tata Diosi juramujka, no usïndi isïku irekanani exepariari juchaari uekakuechani, sinoki "uandatsekuarekua Tata Diosïri ireta" enga, iamindu makurikata Taateri uejpekuanguni. Jimbosï Jesúsï arhísïndi "komarijpee".
Terujkani jiuatsïecharu
Jesúsï no isïku arhianchasïndi imaeri discípuluechani, arhiasïndi eski no isïkueuati uandantani Tata Diosïri uandakua. Uatarisïndi eski discípuluecha jatsiakasï uinapekua para isï uni eski jiuatsïecha ka noksï sesi uaaka iapuru isï. Sanderu kéri ambe jindesti aiankpeni eski Tata Diosïri auanda janoxaka. Uandakuaecha Tata Kristueri jaroatasïndijtsini peru jue jatsini tsejkukuani. Jue uni eski tsintsuni na ujka, asï chonarie, auandaeri uinappekua sanderu k´eri ameb jindeesti, sanderu ambakiti p´ikuarerakua jarasti eki jucha jatsijka Tata Diosïni juchaari mintsutaaru, p´ínaskua inchanekua anapu indengui irekantaajka iamindu k´uiripuechani. ¿Nasïni p´ikuarerajki iasï ekini axanajka Jesúsï jimbo para eiakpeni eski tata Diosïri auanda ixu jaraska ia? ¿Jundeeskini jiuatsï para maruteruechani? ¿Ji uxaki eski Tata Diosï na uandajka chereaparini "jiatsiechani" tsimangui no uekajka evangelioni? ¿Ji usïni eski, tsintsuni, jirinanntani sanderu ambakiti irekakuaeri ka pantpeni p´inaskua ka sesi p´ikuarerakua iamindu k´uiripuechani? Diosï meiamu, Taate amabkiti, jimboki intskuskajtsini Tata Kristueri uandakua. Intskujtsini uinapekua para exentani seskua evangelioeri, intskujtsini ma mintsita ambakiti para chonarikuani jiuatsiechani tsimangui no sesi ujka, xukutantajtsinitsipekuanguni ka p´inaskuanguni imangui juchansïni intskujka chiiti ue