LA ASUNCIÓN DE LA SANTÍSIMA VIRGEN MARIA
+Mons. Enrique Díaz Díaz
Obispo Auxiliar
Diócesis de San Cristóbal de Las Casas
"Ja k'ak'u jumasa' jawi tixa k'e'i ja Mariya'i. Ajnelni ch'ak wajuk b'ay jun chonab'il ja Judeya'i ja b'a yoj k'ul. Ti ocha ja b'a yoj snaj ja Sakariyasi. Ti steltala'an sb'aje'a sok ja Isabeli. Yajni yab' ja sk'umal ja Mariya ti b'ajti'a ja yal alatzi tey sb'aji ja Isabeli. Ti b'ut sb'aj ja yip ja yaltzil ja Dyosi. Ti k'umani tzatz leka:
Machunk'iloni ja ke'ni b'a oj jak sk'elon ja snan ja Kajwaltiki.
Yajni kab'i ja wak'umali ja kintili ti b'ajti tzatz leka.
Lekxta awujil ja we'ni jak'u'anta ja jas yala awab'i ja Kajwaltiki
Ojni k'otuk ja smeranila.
Ti yala ja Mariya'i:
Ja kaltzili wa stoyo ja Kajwaltiki
Ja jk'ujoli tzamal yuj ja Kajwal skoltayon
Yilunej ja ya'atijum ja ma' mi jas yi'oji, jelni leka ja ye'na, ja'yuj ja k'ak'u iti
Ayni stoyone'a spetzanil ja ixuk winiki.
Ja ye'na jel ja yipi ja'yuj sk'ulan ki' ja jastik leki
Ja sb'i'il Dyosni'a.
Wa stalna sya'ulab'il ja lamlamil ixuk winiki ja ma'tik sk'u'ane'i
Ja sk'ab'i wa x'atiji sok yip, wa xya'a ch'ayuk ja' jastal wa xyala ja yaltzil ja jnali
Wa sjutb'in ele ja ma'tik jel tzatz ajyí, wa xya'a k'e'uk ja ma'tik mi jas yi'oji
Ja ma'tik wa'in xyab'i, wa x'a'ji yi' spetzanil ja jastik leki
Ja'xa jnal jumasa' mi jas wa x'a'ji yi'
Wa skolta ja Schonab'il ja b'ayi ja ya'tijumi
Wa xjak sk'ujol ja jastik alji yab'ye ja jnan tatiki
Ja'ni ja Abram sok ja ja yintili b'a tolabida.
Ja Mariya'i ti kan smojta oxe ixawa ja smoj'alajeli. Mas tza'an ti kumxi'a ja b'a snaji. (Lucas 1, 39-56).
Lajan sok ja kala naneyo
< Ja San Pablo'i ti b'a sju'unil Korintyo wa xyala kab'tik ja sb'ej ja jmajlajeltiki: "Ja Crsto sak'wini'a , ye'nani b'ajtan ja yoj snalan chamwiniki jumasa'i" Ja Mariya ja ma' snalan ja yib'ejeli sk'anata oj yi' ja swokoli b'a oj skuche ja b'a slukumi, ja ma' "ajnelni ch'ak wajuk" b'a oj scholo ja sb'ej ja sak'anili, ja ma' yab'ta ja swokoli ti b'a sb'ejlal ja Krusi, ja ma' stela jani ja yajni ojxa mukxuk ti b'a sk'e'eni, ja b'ajtani sak'um sok ja sak'weli, ja'yujil ja ye'na ja'ni ja sti'ali ti b'a sti' sat ja yentoril K'inal. Ja ya'an k'ak'u sok ja Mariya payub'alotik b'a oj cho jk'eltik jasunk'a oj jta'tik ja b'a stza'anil k'ak'u ta wa xnochotik ja Jesusi ja'xa ta wa xk'u'antik ja Yab'alili, ja yajni oj ch'akuk ch'aki ja jsak'aniltik a b'a lu'umk'inali. Ja stza'anil b'ejlal ti b'a lu'umk'inali ja Snana ja Jwawtiki, wa slokowotik oj cho jk'eltik jastal scholo sb'aj ja b'a sb'ejlali b'a oj tojb'uk ja yajk'achil Satk'inal sok ja yajk'achil Lu'umk'inal. Ja b'a snajtil scholjeli ke'eta k'e'e ja b'a ibelajel sak'anil man ja b'a niwan Snaj ja Kajwaltiki, ja b'a snajtil sak'anili stalnata ja Yab'alil ti b'a yaltzili b'a oj sitz'uk ja ye'na, ja b'a snajtil sak'anili sk'u'anta ja'xa smajla jitzan majke ti b'a yojol k'ik'ilk'inali. Jach'ni wa xk'elatik ja ya'an k'ak'u: ja sti'ali sok ja ochel oche ja b'a sak'weli ja Yunini Jesusi.
Ja sjisub'ali ja Mariya'i
< Ja yal tzamal tz'eb'oj ja b'a sti' sat ja Mariya, jastal wa xyala kab'tik ja San Lukasi, wa sje'a ki'tik ja sk'ujol ja ma' wa sk'ana oj stzajla ja sb'ej ja sak'anile'. Wa sna'a ib'elajelni'a ti b'a sk'ab' "ja ma' jel ja yipi"wa sna'a ib'elajelni'a ja'xa ja ma' wa xmakuni pe ja ye'na wa skuchu ja sak'anili , wa xyila sb'aj ti b'a snalan ja wokolanel pe' jel tzamalni'a, ja'yujil jel leman ja sk'ujoli sok ja yaltzili wa stoyo ja Jwawtiki. Cha jach'ni ja ke'nitki ja yuntikilotik wa xk'ana lajan ajyukotik sok ja Mariya'i. Merani'a mulanumotik mukanotik oche ti b'a yojol ja lokoki, pe' ayni ki'ojtik ja Jk'analtiki ja ma' wa sje'a ki'tik ja kala b'ejtiki: ja Jesusi. Mi xcham kani ja jk'ujoltiki yuj ja chawukja', yuj ja Kajwaltiki wa stalnayotik ja'xa ja ye'na wa smojtayotik . Lajan sok ja Mariya, wa xmajlatik ja Jwawtiki ti b'a snalan ja Schonab'ili. Pe' lajan sok ja Mariya jel t'ilan oj je' jb'ajtik jastal ja ma' wa xmakuni yuj ja jmojtikili, ib'elajelni'a ja'xa jel t'ilan oj cho jtalnatik oche ja b'a jk'ujoltik ja yipal ja Yab'alili.
La'xa oj jlaja jb'ajtik sok ja Mariya'i
No hay comentarios:
Publicar un comentario