FELIPE ARIZMENDI ESQUIVEL
"Tza'anto ja Jesusi sje'a sb'aj yi' ja sneb'uman jumasa' ja b'a sti' ja niwan pampa ja'i sb'i'il Tiberias. Jach'ni sje'a sbaja: "Ti tzomane' ek'e ja Simon Pegro'i sok ja Tomasi sb'i'il yal loji sok ja Natanayeli swinkil ja b'a chonab' Kana ja b'a Galileya, sok ja yuntikil ja Sebedeyo'i, sok cha'wane smoj sneb'umani. Ja Simon Pegro'i ti yala'a: Oj wajkon yamuj chay. Ti yalawe'a: Oj wajkotikon amok. ti elye'a. Ti k'e'ye ja b'a yoj barko'i. Snajtil akwal mini jas syamawe'a. "Sajto lek ti tek'an ek'e ja Jesusi ja b'a sti' ja pampa ja'i. Ja sneb'uman jumasa' mini sna'awe' sb'aja. Ja Jesusi ti yala'a: Keremtik ay ma jawi'ojex jun chay b'a oj jk'uxe. Ti yalawe': meyuk. Ti yala'a: jipawik ko'e ja wawenub'exi ja b'a stojol skab'i ja barko'i. Ojni ata'exa. Ti sjipawe' ko'e ja yenub'e'i, mi xb'ob' yujile' oj ya'e eluk yuj ja jel jitzan ja chayi. Ja sneb'uman it jel yajtanub'al yuj ja Jesusi, ti yala yab'a ja smoj Pegro: Ja iti ja Kajwaltiki. Ja yajni yab'I ja Simon Pegro'i: ja iti ja Kajwaltiki, ti slapa wewo ja sk'u'i yuj ja lom b'asan ajyi, ti ko' sb'aj ja b'a yoj ja'i. Ja tuk sneb'umani k'otye' sok ja barko'i ja man sti' ja'i. Mi najatuk aye' kechan jo'winike' xete ja snajtili. Ti wane sjokjel jani ja yenub'ei, b'utel lek ja chayi. "Ja yajni k'oye' ja b'a lu'umi ti yilawe' jun wosane chakal k'ak'a, ay chay sok pani ja b'a sat ja chakal k'ak'i. Ja Jesusi ti yala'a: I'ajik jan ki' ja b'a chay ja it jayamawexi. Ja Simon Pegro'i ti k'e'a ja b'a barko'i, ti ya'a eluk ja enub'i ja b'a sat lu'um, b'utel lek ja chayi. Ti ajyi jukwinike' sok oxlajune niwak chay, anima jel jitzan ja chayi mini ch'i'a ja enub'i. Ja Jesusi ti yala'a: la'xa wa'anik . Mini june ja ye'nle'i ja sneb'umani ma' wa sk'ana oj sjob' yi' mach' aya'a ja we'ni. Sna'awe' sb'aj ye'nani ja Kwjwaltiki. Ja Jesusi ti jak syame ja pani, ti och spil. Jach'ni cha sk'ulan sok ja chayi. Ja iti ja'xa b'a yoxil ek'ele' ja Jesusi ti sje'a sb'aj yi' ja sneb'uman jumasa'i, sak'witani ja b'a yoj snalan ja chamwiniki. " Ja yajni ch'ak wa'uke' ja Jesusi ti yala yab'a ja Simon Pegro'i: ja we'n Simon yunin Juan, wan ma xayajtayon mas yuj ja tuk iti. Ti yala'a: merani'a Kajwal. Wani xana'a wa xk'anawa. Ti yala yab'a: ka'ax, a'a yi' swa'el ja jcheji.
"B'a schab'il ek'ele' ti yala'a: Ja we'n Simon yunin Juan, wan ma xayajtayon. Ti yala'a: merani'a Kajwal. Wani xana'a, wa xk'anawa. Ti yala yab'a: talna ki' ja yal jcheji. "Ti cho yala yab'a ja b'a yoxil ek'ele': Ja we'n Simon yunin Juan, wan ma xak'anawon. Ja Pegro'i jel cham sk'ujola, yuj ja yoxil ek'ele' wa xjob'ji.: wan ma xak'anawon. Ti yala'a: Kajwal, we'n wa xana'a sb'aj spetzanil ja jastik junuki, wani xana'a jb'aja. Wani xk'anawa'a. Ti yala ja Jesusi: A'a ki' yi' swa'el ja yal jchej jumasa'i. "Meran merani'a wa xkala awab'i: ya yajni keremato jat'uchil ja alapa ja wak'u'i, wajya b'a wa xak'ana oj wajani. Ja' yajni latatamb'i oj alich'e ja wakab'i pilanxa ma' oj ya'e alape ja wak'u'i, oj yi'a oche ja b'a mi xak'ana oj wajani. "Ja iti yala yab'i b'a oj sje' yi' jastal sb'ej oj chamuk b'a oj stoye ja Dyosi. Ja yajni yala ja iti, ti yala ja Jesusi: Nochowonxa" (Juan 21.1-19) Ja k'un chameli < Wa sjitza jani sb'aj jun xiwum ixuk ti b'a jtze'eli, wa sjob'o ki': "Ja sb'ej ja k'un chameli". Takal takal wa x'ochi oche ja b'a snaji ja stojyel iti sokan sokan sok ja sk'umajeli, sok ja sresari, sok ja slolajeli, sok ja ixtalajeli. Mi xyab' jas ma yuj ochta oche ja b'a statami ja b'a yajk'achil stoyjel iti cha jach'ni ja ma'tik wa smojtaye' ja ye'ni. Mi xyab' ja ye'na jastal wa xb'ob' oj sk'u'uxuk "ja sb'akeli jun chamum ixuk winik, mi xchijk'aji jas sk'ak'u'il chamta ja'xa mi nab'enuk ma sb'aj ja ye'na". Ja sk'umajel jumasa' wa sje'a sb'aj wa sk'u'ane meran junta sk'ujol wa sle'awe' ja stupjel sok ja sjomjel ja smoj jumasa'. Ja'yujil wa xchama ja s'olomi. Yab'ta sb'ej jastal ja jawi mi k'unuk ja'xa mi chameluk ta mi k'a jun niwan ixtalajel ja ma' wa sb'ech'a ja jk'u'ajeltiki., ja'xa mi skoltayotik b'a oj jcholo jb'ajtik sok ja Cristo Jesusi.: "Lajan sok ja stoyjel iti ja'ni jel ja jtoyjeltiki ochel oche ti b'a yoj kaltziltiki ja ma' wa xya'a ki'tik ja jsak'aniltik", xchini tak ja ye'na. Ja b'a k'ax ja sjomjel jumasa'i
No hay comentarios:
Publicar un comentario