martes, 19 de octubre de 2010

Jesús tsi´ sube xcânt´añon jinni lajiya ti cântesa cha´an mi´ cha´leñob oración ti pejtelel ora. Mach yomic mi´ lujb´añob. Tsi´ yâlâ:
An xmel mulil ti jump´ejl tejclum. Ma´añic tsi´bâc´ña Dios. Ma´anic tsi´ c´uxbi winicob. Ya´an juntiquil me´ba´ x´ixix ja´el ti jini tejclum. Tsa´ tili ba´an xmel mulil. Tsi´ yâlâ: Coltañon. Melbeñon i mul jini woli bâ i contrajiñon, che´en.
Tsa´ Ñumi cabâl ora cha´an mach jomic i coltan jiini x´ixic. Ti wi´il tsa´ caji´ I bajñel al ti´ pusic´al: Ma´anic mic bâc´ñan Dios. Ma´anic mij c´uxbin winicob. Pero jinni meba´ x´ixic cabâl woli I mâctâbeñon q´uin. Jini cha´an mux caj c melben I mul I contra ame chân tilic jinni x´ixic I lujbesañon¨, che´en jini xmel mulil.
Tsi´ yâlâ lac Yum: Ubinla chuqui mi yâl jini mach bâ tojic bà xmel mulil. Jixcu Dios,¿mach ba muq´uic I melben I mul jinni mubâ I contajin jinni yac´câbilo´ bâ I cha´an, mu´bâ I chàn pejcañob ti q´uiñil yic´ot ti ac´âlel? ¿Jal ba mi´ jac´beñob? Mic subeñetla, ti ora mi´I caj I melbeñob I mul I contra. Che´ mi´tilel I Yalobil Winic, ¿mu´ba caj I taj t pañimil jini mu´bâ I ñopob? Che´ tsi´ I yâlâ lac Yum. (San Lucas 18, 1-8)
LECAXLEL TI´ MALIL
Mi´ Chiapas cux lecax ti caj cha´an lecâlel jini lumil ba´ apan anjach´bâ, mach jini cha´an ma´an i c´âñibal ambâ ti´ malil. Ti´ ujti´ maxto oñijil jun much´ quistañujob ti majliyob ti´ ochel ti ´t´i´ ch´en. Cha´yalel, uxyalel yaxto i xâñob ochel, jini ac´lel, pojlatac´bâ yic´ot i yu´tsil jini ach´âl pañimil, ti´ca´liyob ti bâ´q´uen, ti´ wâlac´ sutiyob olilob. Olil jach ti be´chaleyob majlel x´àmbal. Melelâch bache´ ta´ caliyob ti bâ´q´uen: ti caj´ cha´an ma´an chuqui ajpan tsiquil, ya´ jini jach I yojlel jini ja´pa´ ajpan tsiquil. Che´ ta´ix tsi´ta´ ñumi yorolel bâ´q´uen yic´ot i châ´jyemlel, c´unte´ c´unte´ ti cajli ti ñâjmijel I yilan jinni ac´lel che´ jinni woliyob ti be x´âmbal. I lecaxlel mach bâ tajbil ti´ t´an cha´an juntsi´t´ ja´pa´ ambâ ti´ I malil lum cabâl saj we´lib ja´ mi´ kây I chajpaya ya´ ti´shalel. Añuch I c´âjñibal cha´an mi´ q´uele´la´ ti´yambâ lac wut, añuch I c´âjñibal mi´ ñâmijela bache´ mi´ chân q´uele´la pañâmil. Añuch I c´âjñibal mi´ ta´jla jini i malil jini wits. Yom wen c´unte´onla yic´ot junsu´mlel cha´an muc´âch´ be xâñe´la majlel¨, che´ chuncol I yâlob jini ch´elob bâ ta´bâ joloñi I xânob malel jinni bi´.
Chântan yic´ot I wut jini Dios.
Che´ mi´ pensalin la´ jinni pejcaya Dios bache jump´ejl kolem otot lac Ch´ujutat lajal bache´ pañâmil wen c´ojtabâ baqui mi tsijitisan lac p´âtâlel, baqui mi´ tajla´ tijicñâyel, baqui mi´ mejlela´ taj´ lac bâ ti´ t´el Dios, mi´ I c´otel taje´la cha´an mach jinic yombâ mi´ ñajayel lac cha´an. Jinâch mach´bâ chocbil. Juntiquil wen yujil bâ pensal ti´ tsi´ba cha´an I pej´c´ântel Dios jiñuch jump´ejl I jap´o´ i´c´ cha´an lac ch´ujlel, I su´mlel ili t´an mi´ ja´q´ue cha´an ambâ I châbâ yomonla yic´ot chejach che´ jinni mi´ mejlela c´atibenla cha´an chucoch. Cha´an mic melela jinni pejcaya Dios yom wen chapâbilonla, mic sâ´clanla´ bajñel ajñel yic´oy pañamil wenbâ, baqui mi´ kubibenla i yajñel Dios. Mach jiñicach m cubibenla I piâlaya lac Dios yom ja´el mic cân lac chântan bache mi´ chântan Dios: jini cha´an yom wen c´unteonla, wersa, yic´ot mi´ choc´ochel lac bâ ti junyalel ti´ c´uxbiya Dios. Che´ jini Jesús mi I belé su´be´ che´ an I c´âñibal jinni pej caya Dios ti´ pejtelel q´uin an o´lil mi´ quejel i yâlob jinni che´bà mi´ mel asiyemix yikot chayach bajñel yom cha´an Dios mi´ pâ´t´ bache´ comla joñonla´. Jini mic sâ´clanla ñoch´choconla jinni lac wut yic´ot jinni lac combâla jinni yomâch´bâ Dios, jinni pejceya Dios mi´ sujtel jinni ti´ wut ja´ cha´an tijicñâyel yic´ot ja´el u´tslel cha´an mi´ coltanla´bà jinni wocoleltac, cha´an mi´ch´âmela mach ti´pejtelel jinni lac c´ajtiya, jiñach I yu´tslel cha´ambâ Dios mu´bà I yâ´c cha´an joñon la. Mi´ I jalijel jini lac wut cha´an mi´ ñumijel I q´uel yini wenlel yic´ot I lecaxlel ti xiñil jini ac´lel mu´bâ I màctan jini lac aj´ñib.
JUNTIQUIL XME´BA´: XC´ÂNTESA TI´ PEJCAYA DIOS.
Mi´ i tsi´q´uel c´pusic´al jini ili tsi´b baqui jini Jesús ma´an mi´ ju´sâben i tijicñiyel cha´an Dios jump´ejl wenbâ i pislel cha´an meloñel soquem bâ, xâñâl´bâ ti´ alíyaj yic´ot mich´lel mi´ i ch´ujbin jini ambâ i su´mlel c´ajtiya cha´an juntiquil meba´, cha´an jach mi´ i win q´uele´ baché yom mi´melela pecaya Dios ti yale´ yale´ ……Ma´mach´ wen ya´ yic´ot i bajñel cha´an mi´c´ajtin i tijicniyel bache´ juntiquil meba´: ma´an i machilob, ma´an i c´ânibal, ma´an i t´an, cha´an jini i tsuculel jini mu´bâ i y´âc´bentel yic´ot bache´ jini chocol i cha´an maxqui yom mi´ mele´ tijicnisantel. Jini jach i ñopbal jc´ot jini i sub i bâ mu´bâ i yâsâben i watâl cha´an jinni x´tsucul etel. Ñuc´bâ càntesuntel ti´lac jujuntic´lel, mach cha´añic jinni I ye´ñal jinni x´tsucul meloñel toj an yic´ot majlel Dios ambâ I cha´an wenlel yic´ot tijicniyel, kojach cha´an jinni I ye´ñal jinni meba´ ya´bâ bache´ p´umpumbâ lajalâch ti uts´at bache´jini lac nusaq´uin ti jump´ejl chunlib´ but´ul ti´ ts´uculel pañimil, baqui jinni lac coñel mu´bâ I sâclan I sumetâsantel mi´ sa´tel ti ch´ich´al jinni weño´bâ, jinni I tsuculel cha´an etelob yic´ot jinni I bâ´q´uen ti´ pejtelel lac piâlob. Jini colen sokel jinâch jinni che´ mi´lac ñop bañel ajñel mu´bâ i shu´c´chocoñonla, jinto´ ma´an mi´ tajelac wocol, mi´ mele´la ñusan pejtelel chuqui mu´bâ yutel wolibâ I ts´ânsan lac pi´taya yic´ot jinni I cântântel ti´lac pejtelel añon´bà la´ti mexicu.
IXTO IXI CHA´AN PECAYA DIOS: TIJICÑIYEL YIC´OT ÑOP´BAL.
Jini lajiya mi´ i ya´pan tsictesan bache´ yilal jini ñaxanbâtac quistañujob yo´mo´bâ i sebel yilañob i cha´ sutel jini lac Yum Jesucristo jiñach che´ ca´bâl wocol cha´an mi´ i câyob ti´ caj ma´an c´unteob. Lajal ja´el mu´âch i ta´ ti´ t´an bache´ yilal jini li mulabil baqui apan tsiquil jini tâlântel mu´bâ i jats´ jini chuto´bâ bache´ ja´el weño´bâ. I yoñel jini meba´ jiñuch jini i yoñel mach´bâ ma´an mi´i jâ´p´el ti´ q´uinil ti´ac´lel, jiñâch jinni I pecaya Dios i cha´añob juch´teq´uelo´bâ i cha´an x´ac´wocolob yic´ot jiñi queraj mach´ba´ an i su´milel. Jiñuch´i yoñel ña´jt bâ tsiquil cha´an pe´co´bâ yic´ot jinni ya´jo´bâ mach´bâ pâ´tâliquix yic´ot jilemo´ixbâ pitaya ti´tojlelob mach bâ ma´añix mi´ta´jo´ yambâ bi´ cojach jini mi´ lâ´co´ i bâ ti tojlel Dios cha´an mi sumesântel i wocol. Anto chuqui mi wen pâs, mach jinicach mi lu´ mel Dios, jini cojach mi pâs jump´ejl ñopbal cha´an bache´ mi´ i ca´xtan jini wocolil. Jini i ye´tel meba´ ma´an bele´ñopbal mel´bâ I yâsan jinni tsâts´bâ wocol. Jini pecaya Dios mi´ I chapañonla cha´an mi´tajbenla I yebal jinni cha´an bache´meloñâchla taj i melbal Dios mu´bâ i ticonla´ ti´pañamil. Jini pecaya Dios mi xuc´chocoñonla cha´an junlajalonla quermañula´bâ ti wut Dios, lac comon Tat, mu´bâ i tsuytan ti utsat jini ñopbal jic´ot tijicniyel. Jini cha´an Jesús mi´ i yâc´beñonla i t´an: ¨Mic subeñet´la cha´an mu´câch a melbentela a tijicñiyel¨.
PECAYA DIOS YIC´OT AK´T´AN
Joñon la´ wolibâ lac ñope´ t´an yom wen c´ajal lac cha´an jinni I pi´âlaya Dios ti´lac bilel ti tajol coltântel bache´ jump´ejl lac chapaya´, mach melcon la´ ti yajlel, yon noj cabâl mi chalenla pecaya Dios, mi c´ajtibenla pâtâlel cha´an mi´ lâ´te´la jinto mi xuc´choconla I yumintel Ili ti pañimil baqui an yantac bâ ñucobâ. Kojach jni pecaya Dios mi kejel I xu´c´chocon ili pitaya. Yon ja´el miñ c´otel lac ñatan che mu´câch lac pejcan yom mi´ i tsâ´clen malen jini bache´ mi´ câ´c´ lac t´an, cha´an mach yajach mi´ câtâla´ ti jinijach chântaya. Che´^ach bache ti´ i yâlâyob lac ñote´elob: Mi´ c´ajtibenla Yum yic´ot chuncolonla ti etej ja´el. Yom an chut´bâ tajol bache´ junsu´m´ pecaya mu´bâ i yâq´ueñon la´ lac wut bache´ I cha´an jinni Dios, jinni I jul o´tântel lac tijicñiyel cha´an jini meba´ jiñuch mu´bâ i bele ale´. Jini cha´an woli mi´ ñusubentela´ c´ajtiya cha´an joñon la´ mu´bâ no´pe´la´Yum ¿Joñon juntiquilon x´tsâc´leya bele´ mu´c´bà ti´pejcaya, mi´i sâclan tijicñebâ, che´ mi´ ñatan chuqui yom ma´an tâle´ ñumel ya´bâ ora an wocol? ¿An tijicñiyel tojbâ ya´ti´ pejcaya mu´bâ mel bache´ja´el mi´câc´ t´an? ¿Chuqui yantac mi pâs jini i lajiya Jesús?
….Cuxbiya´bâ JTat, mu´bâ a q´uel ti´ ñuc´bà cuxbiya cha´an yilàntel wocol cha´an a walobil, mi´câq´uelojon ti´a câb´ pejtelel jini lojon pitaya bache jini com lojon bâ, cha´an mi´tajelon pâtâlel ti´ lojon ñopbal, miñ tsuyelojon pecaya Dios tojbâlon wersa sâc´lalojon tijic´ñiyel wâ´ ti lac tejclumtac. Che´iquix.

No hay comentarios:

Publicar un comentario