Lengua Indigena

Ma no moraoti anatapu jugusïri.
III Domimbu kuaresmeri
+Mons. Enrique Díaz Díaz
Obispo Aux. Diócesis de San Cristóbal de Las Casas, Chis.
Traductor: Nicolás (P´urhepecha‏)
Jimajkani nitamakuaru, maru k´uiripuecha nirasptiks Jesúsïni exeni ka ueenasptiks eianguntani eska Pilatu axaapka uandikuani maru galileuechani, eski tsïma komarijpeni japka. Jesúsï isï arhíaspti: “¿Andi cha eratsesïni eska tsïma galileuecha, jimboki isïks ukuarenchaaka, sanderuks k´amanarintskuechani jatsiapka eski maruteru galileuecha? No isï jindesti; ka ekiktsi cha no p´amonguarika, isïjtsi ukuarinchaka eski tsïma. Ka tsïma tembeni iumu tanimu engaks uarika pucharakata torre Siloe jingoni, ¿Andi cha isï eratsesïni eska sanderu k´amanarintskuechani jatsiapka eska iaminduecha irekatiecha Jerusaleni anapu? No isï jindesti; ka eki cha no p´amondakuariaka, istjtsï tsïncheaka”.
Jimajkani isï arhiaspti: “Ma k´uiripu jatsispti ma anatapu jigusïrijuskakuaru; niraspti jigusï jirinantani ka no exeantaspti. Arhispti juskatini: “Exe era, tanimu uexurhini juuakani mandani uexurhini jigusï jirinantani arhí anatapuru ka nomeni exeantasïngani, murutanta, ¿Andisï isku jaua ixu echerini uran? Juskati mokukuntaspti: “Achaati, jurajku utasï arhí uexurhini; ji jatsindukuakani echeri ka itsï, erokaparini eski intspeaka akua. Eki nó, materu uexurhini indengui jurani jaka urútantaakani. (Lc 13, 1-9)
¿Andisï imaechani?
Marikua sapichu andareeraspti maru turisïecha tsïmangui exeani japka k´eri k´umanchikuechani, jajki ukataechani ka k´uiripuechani. Marikua sapichueri jantsiriecha noksï jukandurakuechani jukaspti, no sesixukuparaspti jimboki kenekua tsírasírampti, peru imaesri kanarikua tsipekua exeratperasïrampti jimboki erokasïrampti eski ma “ambe ukataecha” piamenapiringa, mamaru ambe jajkimbu ukataecha, iaminduechani eiakuasírampti. Materu marikua sapi p´ikuareraspti exeni. Ka uandaspti “Naande, ¿andisï sapiratiecha anchikuarejki pari t´ireni? ¿andisïksï no jukandurakuechani jukaa eki xani ts´irakuareka? Amamba arhispti, isku k´amambatserapani, uekaparini no jaakuarepani marikua sapichuni:” Jarastiks k´uiripuecha tsïmangui isï irekajka, jimboki tatembecha no sesi exeasïndi, xepekua jimboka no sesi irekakua jimbo, o jimboki isï irekaakaks. Tata Diosï isï uekasti. Diosï meiamukua arhí jimbokiri jatsika ma táateni ka náandeni indenguikeni sesi exejka, intskusïndiksïni ,ma k´umanchikua ka iamindu ambe indengui uetarinchajka para k´erani… tsïmangui sapichuecha isïks irekaati”. Kurajchatini, no usïkani uandontskuarekuaru inchaakuni, iskusïni kurajchapkani nitamaparini, isï pakaraskani eratseparini ¿ Tata Diosï isï uekasïni? ¿Tsïma isï irekaa? ¿ Ambe k´amanarintskua jatsiaski tsïma sapiratiecha? ¿Andi tsïma?
“Eki cha no p´amondakuariaka”
Isï eski San Lucasï arhijka, juriatekuecharu tsïmangui nitamakia uenakua no sesi ukuecha ukuarexati k ajucha jaakuaresïnga, uandantasïnga jucha ka k´uranguareparini andí. Jenchekua jini k´eri iretaru Haití, karamekuaecha ikichakua ixu Michoacáni, Mexico, ka Chile, jorenguaretiecha tsïmangui uandikunaka jini Ciudad Juárez ka isïksï upiringa uanekua karáantani no sesi ukuarentskuechani ka no usïngaks sesi miteni andisï isï ukuarejki, nesï k´amanarintskua jatsi, isï eski tsïmangui andárerapka Jesúsïni. Menchani arhísïngaks eski majkuecha no sesi ujka ka k´amanarintskua jatsiaka peru Krístu no isï uekasïndi jimboki Tata Diosï no jindesti no sesi urhi, uekasïndi k´uiripuechani sesi arhiani. Jesúsï, imaeri k´uranguarekuechanguni, mojtakusïndi iamindu tamapu p´indekuechani Juedea anapuechani jimboki isï eratsenasïrampti eski no sesi ukuecha jurasïrampkaks k´amanarintskuechani jimbo. P´imarisïndijtsini sesi eratsentani. Undakucha Jesúsïri p´imarisïndijtsini miteantani eratsekuechani minda nitamakuarecheri ka exentani imaeri uandakuani enga karakataaru jorentpejka: sesi irekakua. “Eki cha no p´amondakuariaka, istkujtsi tsïncheaka” jindeesti ma sesi uandakua: “p´amondakuare ka jakajkue karakatani Tata Diosïri”.
“P´amondakuareni: mojtakuni mintsitani”
Eki Jesúsï no puakuantajka tsïmangui no sesi ukuarenchaka, istu no tsïnchentasïndi. Inderi uandakuechanguni juchansïni sesi eratsentarasïndi ka sesi juramukua arijpesïndi eski jucha iaminduecha sesi jámaaka mentku isï: sesi irekani menchani kuaresma jimbo jucha uekasïnga uni sesi ukuechani, isï sesi jarasti eki jucha p´ikuareraka mintsitaru, sesi irekani. Eki no isï jindeaka no sesi ukuaresti. Mojtakukkuareni ka uparini sesi ukuechani jindéesti mojtakuni juchari eratsekuani. Indengui t´aresïni tkuixurikujka tkuixurikusïndi Tata Dioseïnitku. Jindesti jjurajkuani juchari xanáriechani ka jirínaantani Jesúsïri jananarikuechani, matakuarerini tsïmeri jorenguarekuechani ka jirinantani k´eri Tata Diosïni. Jidésti chuxani Jesúsïni indengui jurajkuka iamindu ambe ixu parajpeniri anapu ka intspesïndi k´eri uekakuaru, no arhiati eski indé jindéaka uaríkua crisïru. P´amondakuareni para jucha jindeuati mojtakuni juchari mintsitani, no isïku xararakkuechani mojtakuni arhí mintsita t´akapueri, indengui iamindu ambe uekajka jatsini ka no uekajka ambe ma intspeni, eski mintsitembaru k´uiripueri miteaka ujpeni, puatspentani ka intsimbeani mamru ambe k´uiripuechani, jindeesti indengui Jesúsï arijpeka ka jindesti xanari kuaresmeri.
Ma k´uiripu jatsispti ma anatapu jigusïri.
Jimajakani Jesúsï, p´ikuparini ukuarintskuechani, arhisïndijtsini ma uandakua indengui jucha sesi kurangujka: ma anarapu jugusïri indengui sesi exenapiringa, no intspeamka ambe akua. Isï erokaparini eski p´ikuntanaka ma ambe akua ( Is 5), miachintasïndijtsini eski ambe akua indegui Acha Diosï erokajka jindésti iamindu ambe sesi ukuarekua indengui juchari uachiecha erokajka. Judioecha no sesi exesïrampti Tata Diosïri uandakuani, jimboki menchani k´uiripu jararentasïndi Tata Diosïni ka no sesi ukuechani uasïndi. Peru no para tsïmajkuesti jindeeuati para mandani k´uiripunguni jimboki jucha jindeska Tata Diosïri sesi jaxekua ka uenakua ukuechani erokaajka. Uetarisïndi eski iamindu jucha isï p´iuaka mandani k´uiripu iretanguni ka erateparini eski noksï pakaraaka eski chkuri k´ariri ka no ambe akua intspeni. No sesi jindezti eski juchari Kristuni ukuecharu, isï k´uripu nitamakuarika. Tata kuraecha isí arhísïrampti juchansïni eska jindeeparini juchari k´eri ireta (continente arhikata) kristianu uanekua jarastiks ambe ukuaecha tsïmangui no jurajka karakataru Tata Diosïri. No jurimbekua jatsiskaks eki uaripekuaecha, atajpperakuecha, tsinchekuecha, sïpajpiriecha, chonarikkua ka materu ambe no sesi ukueaecha, k´arimakua,no ma anchikuarekua jakua, no sesi p´ikuarerakua irekakua ka ni k´umanchikua jatsikua. Ekiks uandajka eskki ma anarapu mitekuarenajka imaeri ambe enga akua intspejka, uetarisïndi eski jucha miteaka nakia anatapu jucha jindeski. Iasï uanekua kristianuecha tsïmangui isï arhikuarejka utasï no sesi irekasïndiks. Iasï p´imarisïnfijtsini eski exeantauaka iamindu ukuarentskuechani ka ioaresïndijtsïni sesi irekani. Iasï jindesti jandu para exeni juchari irekakuechani ka erakuantani iamindu ambe ambakitiechani.
“Achaati, jurajku materu arhí uexurhini”
No eski maruteru xararakuechani isï eski karakataecha indengui anatapu kuaskunajka ka k´uanikunajka jimboki no intspesïnga enga na eropenajka uekakua, iasï San Lucasï exerasïndijtsini eski “ernguti” jigusïri kurajkaresïndi ma jandu ka erokaparini eski intspeaka ambe ukua ka isï ukuarejka. Eki Isaiasï exejka iamindu ambe no sesi ukata juskakuaru enga iamindu ambe mojtakukuariaka, eiakpekasïndi eski k´uanikunaaka, San Mateu exerantasïnjtsini materu anatapu jigusïri (Mt 21, 18) eki Jesúsï andareerapka solo jukajka chkuriecha ka p´irajka ma o sesi uandakua ka kárijka. Uadakua iasï uekasïndi eski Tata Diosïri ujchakurakua erokaxari mojtakuni k´uiripuni enga Tata Diosï uejpekua jindeeka ka p´imarispindijtsini eski jucha exeaka imaeri puantskua ka no juchari kámanarintskuechani. Noksï isku erekaaka, uetarisïndi ambe akua intspeni ka intspekuecha juchari tsïmangui Jesúsï erokajka. No uakaks isku jarani, noks jindéuaka anatapu jigusïri sesi jaxekua ka no ma ambe intspeni. Juguaati eranguti ka erokaati juchaaru jimbo intspekua uekakueri ka puantskua jusjkakata ¿Ambe akua jucha intspexaki?.
Acha Diosï, Taate ujpeti ka kanekua ambe sesi jatsiri, indengui sanderu uanekua ka k´eratiecha ambe jatsiaka sanderu k´erati eski juchari k´amanrintskuaecha, intskujtsïni arhí kuaremaru ma sesi irekakua k ama mojtakukua juchari mintsitaru, indenguijtsini páaka intspeni uanekua k´erati intspekuaechani, uekakua ka p´inaskua enga chíiti uajpa Jesúsï juka jorhendantsini.
Ka isístia.