periodicociudadrealhoy

Unarikuntani kanarikua
IV Domingo de Adviento


+Mons. Enrique Díaz Díaz
Obispo Auxiliar
Diócesis de San Cristóbal de Las Casas




"Jesúsï kanguarenaspti María jimbo, uambuchatini José jingoni, uajpa Davieri"
Isï Kanguarinakua Tata Jesukristu. Imaeri Naande María uamba ukuarenaspti San José jingoni. Per, eki tsïma notku majku irekaampka, María erokaxaptia Jesúsïni Espíritu Santo jimbo.
José, iameri uamba, jindespti ma achaati ambakiti, ka uekaparini eska isïku k´uiripu ambe uandanapiringa, uekaspti pinasku jurajkuni ka isï járundakuni.
Isï eratsexapti, eki Angelu Achaatieri xarakupka tsanarikluaru ka isÏ arhíspti: "José, uachikua Davieri, asï chonari pakauarentani Maríani chiiti k´umanchikuaru, chiiti uarhí, jimboka sapichuni indengui erokani jaka Espiritu Santeuristi.
Ka jikarekuariati ma uatsïni, imanguiri jatsikua arhíkuarekua Jesúsï, jimboka ima pímantaati imaeri iretani iaminduecha k´amanarintsikuaecha jimbo. Imandu isï ukuaresti eska na uandapka Jesúsï, penchupekua profeta Isaíasïri: Mitekuarie eska ma iuritskiri jukarekuariaka ma sapichuni ka achaatiecha arhínaatiks Emanueli, indengui uekajka arhíni: Tata Diosï jucha jingoni"
Isï arhí jimbo, eki tsinarintapka José, isï uspti eska na Angelu arhípka ka p´ikuntaspti tembani imaeri k´umanchikuaru. (Mateo 1, 18-24).
Unarikuntani kanarikua
P´ikuntaspti ka eratentaspti, sesi exeparin, tsanariparini nasï jaxentapirini ka , majku,uenaspti anchikuareni. Uetenaspti uinani p´ikuparini k´erati chkariechani, tatsekua sesku p´ikuresïrampti, punzonecha sapiratiecha urasïrampti ka sanderu sesku p´ikuresïrampti. Kanrikua Jesúsïri sesku xararasïrampti, tsatesekua sanderu sesi exekuaresïrampti, sanderu tatsekua xararasptiks eskuaecha, penchumekua, ka iamindu kanarikua. Rafael, tekansti p´urhepecha, untasti ma sesi jasï Jesúsïri kanarikua: "Jima jaraspti chkariiru, -arhísïrampti- majkusïni jurajkutakuarikani xararakuambu, p´inaskua jatsiparini ka sesi urentani eska ji na janasïkamgani. Pasïrampkani ia xararakua Tata Kristueri juchiiti mintsïtaru eska chkariiru.
Uajpa Daviri
Janosti ia Jesúsïri kanguarikua ka usïngaks andareerani Joséni ka Maríani ka kurajchani tsïmaeri eropekuaechani ¿Nasï jindegua sapichu? ¿Nensï jaxea? ¿Ambesï ukuarincha? Karakatecha iasï anapu jaroatasïndijtsini sesi janaskani nasï sesi jaxea inde sapi. Eska na arhinampka iontki isï, arhíkuarekuaecha par imangui kanguarinaaka ka iamindu indengui jucha imaeri sesi erokaaka. Karakaecha tsïmangui arhíntajka nasï Jesüsï sapichuepi, no istku arhíntasïndi Evangelio. Arhí sapichu jurasïndi juchanguni urekantani mentku isï. ¿Nasï jucha irekantaa?
Arhínati Jesüsï
Ima p´indekuaru semítica arhíkata arhíkuarekua uekasïndi arhíni nasï jindegua ima k´uiriú ka jimbosï isï arhikuareti Cristo Jesúsï. "Tata Diosï takantspiri" o istu "Tata Diosï puantspiri", arhísïndijtsini eska jimbosï jindeka "Jesúsï". Ka indentsïnisï juachisti arhí sapíchu: ambakiti puantskua, iamindu k´uiripuechaeri. Punatskua jindesti intsperakua Tata Diosïri per uetarisïndi uembekua k´uiripueri.
Emmanueli, Tata Diosï juchanguni.
Eka jucha eratsentajka arhíkuaekuaru, no exentakaksï tsimajkani arhíkuarekuaechani par Mesíasïni: Tata Diosï puatspenasïndi eska juchansïni terujkani xararachijka pambeparintsïni mentku isï. San Mateo arhísïndi: "Mitekuarie eska ji chaanguni jaguaka iamindu jurhiatekuaecharu hastaki parajpeni k´amaraaka". Inde jindesti, iasï, Tata Diosï juchanguni.
Adviento: exentaparini kanarikuani indegui jurajka
Juchastu kanekua anchikuareaka par sesi untani kanarikuani Jesúsïri: Noksï píkurentaka chkariechani, uetarisïndi eska jucha sesi irekantaka, juchari iretaru, iasï anapu. Jue jirinantani irekakuani inde sapichunguni indengui jurajka irekantani juchanguni: uetarisïndi eska jucha uandatsekuariaka ka p´ikuarentakaksï eska Tata Diosï juchanguni jaka, indenguijtsini itsinajka, pakarajka juchanguni metku isï. Jue tsinarintani ma jakajkukuaru indengui juchansïni untaaka, eska José, eska na Tata Diosï uekajka, jorenguarente no jatsiantani kuaskukuaechani ka jukarekuarentani Tata Diosïni. Eska jindeguakasï ukata Espíritueri paraki Emmanueli juchanguni irekantaaka.
Etsakuchijtsini, Achaati, chiiti intspekua par jucha exentani ambakiti kanarikua Jesúsïri, jaruatajtsïni par jatsikuarentani ma amankkiti jakajkukuani ka untani juchari parajpiniiri pantperakua chiiti Uajpaeri, Emmanueli, Tata Diosï juchanguni. Ka isïsti ia.