periodicociudadrealhoy

MI LAK SUTK´IÑ JIÑI E´TYIJIBÄL CHA´AÑ TSÄNSA TYI E´TYIJIBÁL CHA´AÑ CHOLEL
NAXAMBÄ DOMINGO CHA´AÑ PIJTYAYA


+Mons. Enrique Díaz Díaz
Obispo Auxiliar
Diócesis de San Cristóbal de Las Casas


ISAIAS 2, 1-5:Tyi espada mi sujtyel tyi e´tyijibál cha´añ cholel yik´oty tyi lanza mi sujtyel cha´añ tsep pimel.
SALMO 121:"MI lak majlel tyi tyijikña tyi tyajol lak yum"
ROMANOS 13, 11-14: "Yoralelix mi laj kañ la´ wuty kome läk´älix laj koltyäñtyel"
SAN MATEO 24, 37-44:" Kañala´la´ wuty yom yäxäla´ wo´"
BÄBÄK´EÑ BÄ ISUJMLEL
Jiñi lum weñlojwemix. Jiñi lum junya´ chámenix tyi lojwel. Mi yäk tyi käjñel juñtyikil xchuk cháy añ b¨yotyoty tyi kolem tyi´ñajb tsaix bä laj sajtyi ichubä añ. Yujilob jiñi lak piälob mu´ bä ikélob jiñi ja´ i k´aba´ patzcuaro jujump´ejl k´iñ mi tsäkmäñ , jiñi yalobilob ma´añix tsi chäñ känäyob jiñi koleñ chäy kojax mi´ su´bentyelob y che´ mi kajel tyi ujtyel yik´oty jiñi säsäk chäy.K´elbilobx icha´añ yik´oty ik´uxjel ipusik´al che´bajche´ wol ix lak k´el woli k´extyiyel majlel ili pañämil che´ bajche´ itikwälel pañámil, ñuki ik, tyiki ya lum, bujty ja´lel, tsänälel.Jiñi lum lojwemix. Yonlelix jiñi basura yikóty jiñi tsak´tyak woli ityempäyel tyi jujump´ejl tyejklum. TYI LAK JOÑTYOLIL WOLI LAK CHÄÑ JISAÑ JIÑI MATYE´EL woli lak chäñ la lok iwenlel lak lum.Lojwemix jiñi lum ¿chuki woli lak mel joñonla? Che´bajche woli i sujbeñoñla jñi evangelio wäle: tsi k´uxuyob tsi japäyob pero ma´añik tsi meleyob ipusik´al. Mi lak laj cha´leñ ty´añ mi laj käl pero joy lak tyilejach.
MI KEXTYIYEL WUTYÄL
Naxambä domingo cha´an pijtyaya´ jiñix k´am bä onel cha´an mi kañ lak wuty yik´oty mi päyonla tyi ñäxtyälel cha´añ chuki woli lak mel yik´oty lak kuxtyälel, yik´oty lum ,yikóty tyi lak chumtyäl. Jiñi wiñik melbil tyi yejtyal lak yum tsa sujtyi i tyäklañ ili lum. Isaias tsi ñajtya chuki mi kajel tyi ujtyel jiñi cha´añ tsi yälä tyi e´tyijb cha´an tsäntsa mi sujtyel tyi e´tyijib cha´añ cholel yik´oty tyi lanza cha´añ tsep pimel. Jiñäch mi yäl cha´añ mi´kextyäyel jiñi ty´an tyak yk´oty tyi muläntyel chu´bäañäl. Jiñi e´tyijibäl cha´añ tsänsa yik´oty lanza tsa sujtyi tyi käñol tyi melol jontyoltyakbä yik´oty tyi tsänsa. Jiñi winik kextyäyemix iwuty melbil bä icha´añ Dios i tsaix i ñatyesaibä tyi melol weñtyakbä tsaix sujtyi tyi jisäntyel chu´bä añ tyi pañämil.cha´an lak kom mi lak letsel tyi lak chu´bä añ che´bajche´ kolem choñoñi´bäl tyi yantyakbä lum mi xik´onla laj k´äñ pejtyelel mach bä yujilik jilel mu´ bä ityik´lañ jiñi lak lumtyi lak pejtyelel. ¿mu´ba mejlel lak kextyan jiñi e´tyijb cha´añ tsäñsa ty e´tyijib cha´an cholel? ¿muk ba mejlel lak cha tya´ isujmlel bä yejtyal jiñi wiñik? Päybilolla tyi päk´ol jñi ty´añ: ak´ kuxtyälel, mi lak mel e´tyel cha´añ m mejlel yäk´ iwuty.
ITYAJOL JIÑI ISUJM BÄ IWUTY WIÑIK
Jiñi tyikläntyel cha,an lak lumtyak yik´oty pejtyelel lajalbä yik´oty najty tyi melol i sujmlel bä i ye´tyel mi´yäsañ jiñilak piälob. Yom mi lak bäk tya jiñi isujmlel bä e´tyel tyi wiñik. Yom mi lak majlel tyi wi´ lak piälob cha´añ mi lak cha´tyech tyi tyejchibal , cha´añ mi lak tya tyijiknäyel.maáñik mach yom che´ bajche´ chumulonla wäle, pero cháñ wäyälonla,cha´añ mulil, jontyolil,tsu´lel. Jini pablo mi yäl ya´tyi tsijbujel tyi romanos cha´añ yom mi lak ch´äm tyi ñuk ili woli bä lak chumtyañ wäle.jiñi tyoxbä, jontyolil,ma´amik chuki mi mejlel lak mel cha´añ ili wokol wolibä lak chumtyañ. Mi päyonla tyi chumtyäl tyi xuk´tyälel y mi subeñoñla lak käy pejtyelel mach bä weñik tyi lak pusik´al:wo´lel, yäkajel, tsujlel, letyo, tsa´leya.jiñi wiñik ñämälix tyi chumtyäl tyi ch´ämol tyi ñuk ichu´bä añ. Jiñi wiñik yik´oty jiñi lum lojwemobix. Yoralelix cha´añ mi lak cha´ tya´isujmlel jiñi wiñik. Pablo mi päyonla tyi ña´tyäntyel Jesus cha´an mi lak chäm pejtyelel iña´tyibal lak yum cha´añ mi laj kextyañ jiñi pañämil. Tyi Cristo mi lak tya´ isujmlel bä tyijikñäyel.
JIÑI E´ TYIJIBÄL CHA´AN TSÄNSA TYI E´TYIJIBÄL CHA´AN CHOLEL
Yom mi lak bä chäm tyi ñuk jiñi ity´an isaias mach jiñikjach mi lak kextyañ jiñi e´tyijibäl cha´añ tsänsa tyi e´tyijib cha´an cholel yom mi laj käy pejtyelel mach weñik, pejtyelel tsa´leya.pejtyelel tyi muläntyel chubäañ mi lak jisan lakbä, yom mi lak kántyañ tyi wen ,tyi juñ much´ jiñi lak chumlib cha´an utsat mi laj kaj´ñel tyi lak chumlib . Ma´añik yom bäk´eñ yom ch´ejloñla tyi k´elol ili wokol wolibä lak chumtyañ.Mi lak k´extyañ jiñi espada yik´oty lanza jiñächik´extyäntyel pejtyelel joñtyoltyakbä lak melbal.
YORÄLEL PIJTYAYA´
Jiñi pijtyaya jiñäch i yoralel cha´añ mi laj käy tyak.Jiñi y´etyel jiñi isujmbá subty´añ jiñäch chumtyäl yik´oty pijtyaya .Kañala´wuty yom yäxä la wo´ jiñäch ity´añ Jesus tsa´bä isube i yaj e´tyelob.mi lajiñ che´ bajche´ tsi yubiyob wokol tyi butyja´ lak ñojtye´elob.Ma´añik majki tsi ñopo, ma´añik majki tsi pijtya che´ woli isub Noe. Wäle bä ora ka´bälix woliyobä tyi ty´añ cha´añ ili wokol wolibä ik´elob : tyi sätyol lak melbal, letyo tyi lak kotyoty, tsa´leya, ijisäntyel jiñi kuxultykbä che´bajche´ jiñi lak lum. Mi lak cha´ch´äm jiñi i ty´añ Jesus mi laj tsäb lak nichim yik´oty k´ajk cha´an pijtya´ya.Ili pijtyaya lok´em tyi laj kuxtyälel cha´añ päk´bilonla i cha´añ Cristo.
Pijtyaya ¿muk ba´ kajel kjak´ yik´oty tyi kañol wuty tyi k´elol isujmlel? ¿Chuki isujmlel cha´añoñ kextyäntyel jiñi espada tyi e´tyijib cha´an cholel yikñ oty lanza tyi tsep pimel? ¿Chuki yejtyal tyi sujmlel woli käk´ joñoñ cha´añ pijtyaya?
Weñ bä ktyaty, che´bajche ili kuxultyakbä ma ñijkäbeñ ipusik´al wiñik, ak´eñonlojon cha´añ ili yoralel pijtyaya´ mik tyaj lojoñ weñ bä kña´tyibal tyi jiñi kuxultyakbä yik´oty tyi tyojlel jiñi kpiälob cha´añ che´ mi tyilel a walobil Jesus. Chekix.