periodicociudadrealhoy

"Eska Tata Diosï no japíringa"
K´uinchikua Tata Kristueri T´aresï


+Mons. Enrique Díaz Díaz
Obispo Auxiliar
Diócesis de San Cristóbal de Las Casas


Eka Jesúsï chaparakata japka, juramutiecha isïku arhisïraptiks, arhíparini: "Materuechani p´imantasti; eska p´imakuariantaaka indent´u, eska indeeka Mesíasï Tat Diosïri, erakuakata". Soldaduechastu teresmarusïramptiks Jesúsïni, ka andareeraparin, intsïkusïramptiks vinagre ka arhíparini: "Eska t´uri jindeka t´aresï judioecheri, p´imakuarinta". Jaraspti, Krusiiru, ma karakata latin ka ebreo jimbo karakata. Indengui ariampka: "Arhí jindesti t´aresï judioecheri".
Ma kuarujperi imangui chaparakata japka Jesúsï jingoni no sesi arhísïrampti Jesúsïni, arhíparini: "Eski t´uri jindeka Mesiasï, p´imakkuarinta jandiojku ka juchantu". Ka materu arhísïrampti: "¿Nori cheresïnga Tata Diosïni isï japarini? Jucha k´o jatsiaska k´amanarintsikuaechani. Per indé no ma ambe usti". Ka arhísïrampti Jesúsïni: "Achaati, ekari niantaka chiiti k´umanchikuaru auandaru anapu, miantarini sani". Jesúsï mokukuntaspti: "Ji keni arhísïnga eska iasï jauakari jinguni auandaru". (Lc 23, 35-43).
Eska Tata Diosï no japíringa
P´inaskuanguni, k´amekuanguni ka no tsipeparini niantastiks Catedral Morelia anapu tsïma 18 k´uiripuecha michoacan anapu tsïmangui taratanapka, no sesi kanapkasï ka turekata ma posaru jiskakata jini Acapulco isï. Iamindu k´uiripu isïku pakaranaspti cheparini, ikiaparini ka no sesi p´ikuareraparini. Uandakuaecha tsïmangui Mons. Alberto Suárez arhíapka exeaparini uaririechani: "Arhí indengui iasï exeni jakaks jindesti indengui jucha kanekua uanekua uexurini isïkuksï jurajkuka, jimboka k´uiripu ikichakua ukuareska ia … eska Tata Diosï no japíringa" Ka iamindu jucha sesi exexaka, isï p´indeskaksï ia, no jatsiparini Tata Diosïni.
K´uinchikua Tata Kristueri T´aresï
Iasï mintaxaka ma k´uinchekua indengui sesi exenajka iretaru México anapu: "Kristo T´aresï". Jindesti ma k´uinchikua indengui juchansïni jorendajka k´eri ambe nitamakua: jindestiks Tata Diosïri ka sesi arijpeatiks. No jindesti arhíjpekua indengui jindepiringa uanekua k´uiripuecha tsïmagui pirekupiringa Tata Diosïni sino indengui tsiperantaka k´uiripuechani. Ka eka k´uiripu kuntajka Tata Diosïni inderi mintsitaru, eki jirinajka irekantani eska inde na uandajka, kúiripu k´eri ambe jindesti.
Materu t´aresï
Iasï, sanderu eska no meni, uetarinchasïngaks exentani arhí Kristuni ka mitentani eska juchari t´aresï, per exeparini inderi irekakuani auadaru anapu. Auanda Jesúsïri meteru jindesti eska na k´uripuecha no ujkaks janaskani, sanderu jini eska na markuecha na uejka. Jesúsï jurasïndi intspeni tsipekua. Uekasïndi eska iaminduecha iretaecha ka iamindu k´uiripuecha eska uajpa Tata Diosïri. No urhasïndi uinapekuani ka ni tumina para juramujpeni inderi Auandaeri: uejpekuasï jindeti, ma ambakiti uejpekua. Jimbosï iasï jucha p´imarinani jaka para exentani na eska San Lucasï uandajka: chaparakata cruciru, ma karakata jingoni ka juramutienchanguni ka kuarujpenguni indengui teremarujka ka arhíjka eska uraaka inderi uinapekua par p´ikuntani. Arhíspti Pilatuni "Juchiiti auanda no jindesti arhí parajpeni anapu" isïsjtsini jorendasïndi inderi irekakuanguni, jorentpekuaechanguni ka sesi exeaparini iamindu k´uripuechani.
Jukambekua ma T´aresï jingoni
Eka jucha uandajka eska jindekaks discípulu Jesúsïri ka arhíjkaks eska jindeka juchari T´aresï, p´irasïngaks jukambekua par anchikuarini eska inde na eratsejka. No uekaakasï uaripekua indengui iasï na exekuareni na jaka. Jiguakuaresïngaks arhíparini eska no sesi unaxaka. Per exekuarentaxakas ka uekaxaka exentani ambesï no sesi ukuarenani jaki juchari iretaru. Uetarisïndi ma jimbani jorentpekua uejpekuaru, para jakajkukuni Evangelioni ka inde exekuarentasïndi eska na Jesúsï ujka. No ambakiti uinapekua ka chkuandirakua, mostakuriati eka untaakaks, jakajkukuani jingoni ka ambakiti irekakua jimgoni. Uetarinchasïngaks andarerani arhí T´aresïni ka jorenguareni eska inde na uekajka inderi anchikuareta ka na inde untajka auandani.
Taate ambakiti, tunguiri uekaka iamindu ambe uni chiiti uajpa jimbo, taresï parajpiniri, u eska iamindu irekatiecha, sesi jaxeti, uchiakakeni sesi ambe ka pirechiakakeni mentku isï. Ka isïsti ia.