periodicociudadrealhoy

Erhopekua.
XXXIII Domingo Ordinario

+Mons. Enrique Díaz Díaz
Obispo Auxiliar
Diócesis de San Cristóbal de Las Casas


Ima nitamakuaru, eska maru k´uiripuecha uekasïramptiks eska ukuaripiringa Tata Diosïri k´umanchikua ka iamindu ambe k´ejtsitakuaecha xani sesi xararanga, Jesúsï uandaspti: "Juguatiks juriatekuaecha enga no ma tsakapu pakaraaka sesi eska na iasï exanani jaka; iamindu kakakuarentati".
Jimankani k´uramarisptiks: "Jorhentpiri, ¿kani isï ukuaria ka nakiua ima minda imangui exekuarenaka eska isï ukuariaka?" Ima mokukuaspti: "Exekuarente eska no maneksïni isïku arhiaka, jimboka uanekua juraatiks chkuandiraparini ka arhiastiks: ´Ji jindeskani Mesiasï. Jandu janostia´. Per asï jakajkukuaue. Eki kurandiaka eska uaripekua janoxaka ka uandijperakua, asï choanarie, jimboka isï ulkuariati, per notki k´amarakuaruati".
Menderu Arhiaspti: "Ma ireta jauarati par uaripeni materunguni. Iapuru isï jauatiks jenchekuaecha, p´amenchakua ka ká rimakua, ka xararatiks auandaru mindaecha no sesi jasï.
Per uenani chansïni jirinantanati ka jupinakasï: panakasï onakauaru, ka k´uramarinaka k´eri juramutiechanguni, jinsïni jimbo. Isï cha uandantaka ji jimbo.
Asï mirikuerie eska cha no ambe ma isï jatsiaka, jimboka jiksïni intskuaka amaratiki uandakuaechani, tsïmangui cha no uaka uinaperani ka ni no ambe no sesi uandantani.
Chari tatechajtujtsini jandijku jurankuatiksïni, uachiecha ka iamindu k´uiripuecha. Cha uandikunaka ka iaminduechaksïni no sesi arhiati ji jimbo. Istu, n ama chari jauiri uekoriati chari ejpuru. Eka cha sesi anaxuriaka, andapeakasï tsipekuani". (Lc 21, 5-19).
¿Ka ambe jarhaski tatsekua?
¡Naxani juchansïni jorhendasïni iamindu ambe irekakua! Caralampio exeasïndi anatapuechani tsimangui imntspejka irekakuani ka kumanda, eska na jurani jaka diciembre, chkuriecha uekorekuaresïndiks ka isï potetsï pakarasïndiks. Isï uandontskuaresïndi imaeri uariitinguni Matilde arhíkata ka uandasïndi: "Kanekuarini erhatsetaxati uarikua kumaba Emilioeri, ¿T´u na erhatsesïni eska jindeka iretakua jini aundaru? ¿Isï jinde eska chkuriecha ekiks uekorelkuarejka ka tatsekua terajkasï echerinduru? ¿O eska juskakua ekiksï juskajka ka xarasïndi eska uarijkasï ka tatsekua uerakaurejkasï jandiojku ka menderu intsepejkasï materu juskakuani? ¿Nasï jinde irekakua tatsekua eska uarinajka? ¿Nesï ujki miteni? Isï jindesti eska janoxaka juriatekua ka uetarinchasïngaks eska jucha jakajkuaka. Ji jakajkuxaka Tata Diosï jimbo ka sesi p´ikuarerasïnga imaeri jajkiecharu, per utsïni jakuaresïngani.
Sanderu jini
K´uramarikua par iamindu k´uiripu: ¿Ambesï jaki sanderu jini? Jesúsï menchaniisï uandasti ambesï jaki sanderu jjini tatsekua uarikuaru, mentku isï usti parabolaechanguni eka p´imarijkasïni Taatemabnguni jarani per jucha no usïngaks sesi ambe jakajkuni. Eki jucha uarinchajkasï ma uachikuani. Unadakua iasï anapu jarotasïndijtsini para sesi kuranguntani ambesï ukuarejki sanderu jini auandaru eki uarikuarenjka.
Isïku uandakua
Eki iapuri isï no sesi ukuareka k´eri iretaecharu, isï uandasïndi eska parajpeni k´amarakuareakia. Maru profetaecha isï uandasïndiks eska tsïmaecha miteska eska juraxaka kamarakua ka isï cherasïnga k´uripuechani. Isï uandakua Jesúsïri isï iaresïndijtsini par sesi jarantani. No ma ne usïndi isïku ambe uandantani. No ma ne jatsisti jajkukuani, Tata Diosïjkusï jatsiti.
Eki cha sesi anaxurikuariaka
P´imarikua Jesúsïri uandantasïndi eska mentkusï isï jauaka anaxuririni par andanguntani sesi irekakuani auandaru. Ka eki sanderu no sesi ukuarenajka iapuru isï k´uiripu iamnidu jasï iskichakua untpesïndi, uandijpesïndi, ambakiti kristianu: erakati sesi irekakuani mentku isï. Arhí jindesti jorhentpekua iasï anapu: arhí parajpeni nitamakuareati, andapekuaechanguni, k´eri ambe ukataechanguni ka k´eri ambe janaskatiechanguni, tsïmangui jucha xani sesi ambe uandajka. Iamindu ukataecha tsïmangui jucha xani uekajkasï, k´amarakuareatiks. Juchari irekakua isü anapu k´amarakuariati, k ajucha no miteaka kani ka naa.
¿Nasï jucha exejki k´amarakuarikua parajpenieri? ¿Ambe p´ikuarerakuechani jucha jatsiasïni? ¿Jindeskiksï achaatiecha eropekuaeri enga sesi eratsejkaksï?
Intskujtsïni, Echati, chiti jaroajpekua par sesi uni mentku isï, jimboka eka sesi ukuarejka chiti juramukua jucha exentasïngaks ambakiti p´ikuarerakuani. Ka isïsti ia.