periodicociudadrealhoy

JA PILANPILAN MESA'ILI
XXVI DOMINGO ORDINARIO


+Mons. Enrique Díaz Díaz
Obispo Auxiliar
Diócesis de San Cristóbal de Las Casas


"Ajyi jun jnal wa slapa jel tzamal lek ja sk'u'i, k'ak'u wa xwa'i jastal jun niwan mandaranum. Ay jun winik b'a mini jas yi'oj, sb'i'il Lázaro. Ti ba'an ek'a ja b'a sti' snaj ja jnali. B'utelxa sb'aj ja sk'a'elali. Wa sk'ana oj sb'ut sok ja stz'ub'ili ja swa'el ja tan jnali ja it wan mok'el b'a lu'umi. Ja'xa ja tz'i jumasa' ti kotye'a b'a oj slek'e ja sk'a'elali
< Ti yala'a ja jnali: tatey, wa xk'ana awi', jeka ki' ja Lázaro ja b'a snaj ja jtati, ay jo'wane jmoj'alejel b'a oj waj yal yab'i b'a mi oj k'o'tuke ja b'a luwar iti ja b'a jel wokoli. Ja Abrani ti yala'a: ay yi'oj ja sju'unil ja Moysesi sok ja aluman Dyosi jumasa'i b'a oj yab'ye'. Ti yala'a: tatey Abran, mi xmakuni yujile' ja sju'unil. Mas lek oj k'umajuke' yuj june ja chamel winik jumasa', b'a ojni stukb'es sb'aje'a. Ti yala yab'a: ta mi k'a smaklaye' ja Moysesi sok ja aluman Dyos jumasa', a'ma sak'wi jun chamwinik, mini oj cha k'u'ajuk yi'a." Lucas 16,19-31
Ja ma' wa'in xyab'ye sok ja asan jumasa'i
Ja sj'ejel jwa'eltiki<
< Ja b'a Cristo Jesusi jelxa t'ilanil ja wa'elali, ja'yujil wa xje'ji ki'tik yuj ja sb'ej ja Schonab'ili ti b'a joyan ja mesa'ili; ja sb'ej ya'ata kani ja b'a snalan ja Chak'ab'ali, ja'xa ja scholo sb'aj ya'ata kani ja b'a kala misatiki. Wa xje'ji ki'tik jas sb'ej ja sati ja Jwawtiki, ja Jtataltik, yuj ja sk'ulajeli sok ja slo'ili sutanal ja mesa'ili, ja'xa ja xetub'al wa'elali. Jel t'ilan ja wa'elali ja b'a yentoril ixuk winike'i, pe junxta junxta jel t'ilan oj jxetatik ja ye'nle'i ja b'a joyan ja mesa'ili sok ja kala jmojtik jumasa'i. Ja jach'uki ja jwa'eltiki wa xmakuni yuj ja spetzanil ja sak'aniltiki., ja'ni ja jwa'eltiki sok ja kiptiki mi kechanuk b'a jlukumtiki sok ja jch'ikeltiki, ta jach'ni b'a jk'ujoltiki; jach' wa xkab'tik sb'ej ja jsak'aniltiki sok ja jmoj'ajeltiki. Ja ma' mi xwa'i wa xchami yuj, pe' ta wa xeta ja ye'na oj kab'tik sb'ej jas sb'ej ja yaltzilal ja ixuk winike'i wa la'atijitik b'a oj wa'kotik sok ja kala mojtik jumasa', kechanxta ja t'ut'ili wa xyab' ja wa'eli xajb'an. Ja'yujil ja b'a Jesusi jelxa t'ilani ja wa'el jumasa'i, ja'yujil jelxa kistal mi kocheluktik ja kala pilanpilan jmojtik ja ma' kechanxa wa sk'ana ja sk'oy wa'elali.
Ja pilanpilan mesa'ili mi xetub'aluki
Wa xjamxi ja cha'an jemeli
Ja sb'ejlal oj jmojta jb'ajtik
< Ja Jesusi mi skapa ki'tik jastal oj jtojb'estik ja pilanpilan mesa'il iti., b'a mi oj jtup ja jmultiki. Ja ye'na wa sk'ana ki'tik jastal oj jcholo jb'ajtik meran ja ya'an k'ak'u sok ja yentoril jk'ujoltik. Wa sk'ana ki'tik oj ka' jb'ajtik jujunotik ja'xa ti b'a snalan jnolantiki b'a mixa oj ka'tik kan ti b'a yojoltiki ja wokolanel iti ja ma' mi lajanuk sok ja sb'ej ja lekil sk'ujol ja Jwawtiki. Jasunk'a wantik sk'ulajel b'a oj jtojb'estik ja swokolanel ja ma' mi jas yi'oje'i. Jastal wa xta'a jb'ajtik ja yojol ja swayichi, ja sle'jeli, mi kechanuk sok ja tzamal jk'umaltiki, ta mi k'a yuj wa xle'a oj tojb'uk ja kistal sb'ejlal ja jnolantiki ja ya'an k'ak'u. Jasunk'a wa xyala kab'tik ti ili sok ja ya'ani ja slo'il iti ja Jesusi. JACH'NI'A