X DOMINGO ORDINARIO
Mons. Enrique Díaz Díaz
Obispo Auxiliar
Diócesis de San Cristóbal de Las Casas
"Mas tza'an ti waja b'a jun chonab' sb'i'il Na'in. Tixa smojta och ja sneb'umani sok jitzan ixuk winik. Ja' yajni k'otye' ja b'a sti' chonab' ti i'iji ocha b'a oj mukjuk ja chamwiniki kechani ja yala biguda'i . Jel jitzan ja swinkil ja chonab' jawi ti smojtaye' ja biguda ixuki. Ja' yajni yila ja Kajwaltiki ti stalna syab'julab'ila ja ye'ni. Ti yala'a: mi la'ok'i. Ti smojo ocha. Ti syama'a ja sch'ajtilte'i. Ti kotye' tek'ana ja k'echumani. Ti yala ja Jesusi: Kerem, wa xkala awab'i: k'e'anxa. Ja chamwiniki ti k'e kulana, tixa och k'umanuka. Ja Jesusi ti ya'a och yi'a ja snani. Spetzanil jel cham sk'ujole'i. Ti stoyowe' ja Dyosi. Ti yalawe'a: jun niwan aluman Dyos ja it jul b'a yoj jnalantiki. Ja Dyosi jakta yulata ja schonab'ili. Ja yab'ali pukxita ele b'a sutanal Judeya" (Lucas 7,11-17)
Jel xyaj ja sch'ab'anil
< Ja b'a ek'a semana ja yajni jta'ata jb'ajtikon ja jpetzaniltikon, jastal wa xta'a jb'ajtikon jab'il jab'il, kilatikon jastal ja yal niwanto ab'al ja ma' wa sjomo ja kala Dyosesistiki sok ja Kestadotiki, ja'ni ja sjomjelali "Ja Jnantik Lu'um": yuj ja wa xpila jb'ajtik, yuj ja wa xsapa ma wa xsipa kan ja jlu'umtiki, wa xk'utzutik ko'e ja te'altiki, wa xkiximb'i sb'aj ja k'inali, ja tz'ileli, ja smog, ja skoy chikan jas...!Wantik sjomjel ja kala najtiki b'a¡...Ja Yib'anali, ja swayich chab'oxe ja ma' wa sk'ana oj stojb'ese ja yentoril k'inal lajan sok jun yib'anal ch'in chonab' b'a mixa xta'axi ja mojoni, b'a junxta junxta ja jlekilaltiki, b'a junxta junxta ja spetzanil chonab', b'a niwanto ja schonjeli sok ja smanjeli, wa xya'a yi' ja jkomntiki sok ja jnolantiki jel jitzan ja swokole'i. Wa snaka ja ixuk winik jumasa'i ja b'a slikiki, ja'xa wa sje'a yi'le' mi oj ochuk sb'aje' ja smeranil slekilali, ja ma' wa xya'a yi' ja ixuk winik jumasa' sok ja jnolantiki ja sak'anil sok ja slekilali. Wa stojb'es ja likiki, ja ixtalajeli, ja slolajeli sok ja schameli. Ja ma' wa sta'ato ja ab'al iti anima mi xch'jkaji yujile'i, ja'ni ja ak'ixuk kerem jumasa'i. Mixa yi'oj ja skoltajeli kapunej yi' yuj ja skomoni, ja'xa ti kan ja b'a snalan tzatzal ab'al ja schonjeli sok ja smanjeli, ja b'a yojol ja ajneli ja ma' mi ch'akuk. Wa x'ajniye', wa x'ajniye' ja'ni ja'xa mi sta'awe' ja kapunej slekilali. Ti kan lom, mixa sk'ana oj scholo sb'aje'. Ja'yujil ja ya'an k'ak'u wa xk'elatik ti b'a kestadotiki sok ja snalan ja jkomntiki jastal wa smila sbaj'e'i ja ixuk winik jumasa'i. Anima wa xchijk'aji kujtik jel tzamal ja jb'ejtiki, ja'xa masto tzamal ja jsak'aniltiki. Jasunk'a ma mi tojoluk.
Ja stzakwal ama ja chamixuk winike'i
< Merani'a, ayni jitzan ak'ixuk kerem jumasa' stzatalk'ujolajel sb'aje'a ja ma' wa sk'ana oj stojb'es ja lekil k'inali, pe merani'a, jastal ja spimili wa xpayji yuj ja jelxita ja lekil slekilal lom, ja'xa yuj ja lekil sb'ej mi wokoluk oj ta'xuk yujile'i. Ja Yib'anali jastal wa xk'elatik ja ya'an k'ak'u mi xb'ob' oj stojb'es ja ak'ixuk kerem jumasa' b'a oj sne'be' ja slekil slekilali kax ja schonjeli sok ja smanjeli. Ja smeranil sb'ej ja jsak'aniltiki: ja smeranili, ja tojolili, ja yajtaneli, ja smojtajel sb'aj, ja slekilal ja ixuk winik jumasa', ja'xa ja sderecho b'a oj sta'e ja lekil sak'anili. Ja yajni wa sjipa kan ja slekilal iti ja ipali wa syama yi'le ja sb'a'ali sok ja chikan jas sk'ujol, ja'xa wa sjomo ja kala najtiki. Ja ma' mey yi'oj ja slekilali, lajani sok ja yoroma'axi. Ta ja yal kerem mey slekilali jutzin jutzin oj sjomo sb'aji. Ja'yujil, k'ela awilex, mi yocheluke ja sjomjelali ja jnantik k'inal, ja komon jb'a'altiki, ja'xa mi xch'ijkaji yuj ja sb'ej ja sak'anile'i wa smila sb'aje'i. Ja ya'an k'ak'u ja yal Ju'unil ja San Lukasi, wa sje'a ki'tik ja Jesusi ja ma' smojo ti b'a stze'eli ja chamkeremi sok ja k'atzk'uni nanali. Chab'awane tzakwali wa xb'ejyiye ek'e ja'xa sta'a sb'aj ja b'a snalan b'ejlal: ja sak'an stzakwali ti b'a sti' sat ja Jesusi, ja'xa ja chamtzakwali ja ma' wa ela ek'e ja b'a sti' ja chonab', wa xya'a kan ja nanali k'atzk'uni stuch'il. Ja Jesusi wa smojo ja b'a stze'eli ja ixuk winik jumasa' ta wan wokolanel, ta wa xcham ja sk'ujoli, ta wa xyaj ja yaltzili, ta wa xch'ijk'aji yuj kikilto ja k'inali. Wa sle'a ja ye'nle'i ja yajni wanxa chamel, wa syama ja'xa wa xya'a yi' ja sak'anili.
Ja syajtanel ja Jesusi
< Ta ja lekil sk'ujol ja Jesusi mi x'ochi ja b'a yaltzilal ja ak'ixuk kerem jumasa'i mi oj sta' ja sak'anile'i. Ta mi xyab'ye' jastal wa syajta ja ye'nle'i ja Jesusi, jastal wa xya'a yi'le' ja yipi yuj ja Yab'alil mi oj sta'e ja sb'eji b'a oj cho k'e'uke. Ja sb'ej ja ak'ixuk kerem jumasa'i, t'ilan yuj ja Jesusi. Ti b'a snalan ja yok'eli, ja yaljeli, ja tzatzal sk'ujol, takin sti' yuj ja smeranili sok ja syajtaneli, ja'xa kechanxta wa xb'ob' oj skape yi'le ja Jesusi. Jel t'ilan oj sle' ja Jesusi, jel t'ilan oj yab' ja smeranili sok ja oj smakle' ja Yab'al jumasa'i. Ja'ni ja yip ja ya'an k'ak'u ja Kiglesyatiki sok ja jnolantiki, ja'ni yi'oj tzatzal yipali ja'xa ka'atikta kani nakan ti b'a sk'e'eni lajan sok chamumxa aye'i. Ja spimili ja ye'nle'i mi sta'awe' ja ya'atel, mi xb'ob och ja b'a eskwela'i, ma b'a jnolantiki. Ja ya'ani wa xmojo ja Jesusi ja b'a yaltzilal ja jujune'i, wa smojo ja b'a stze'el, wa syama ja sk'ab'i ja'xa tzatzal wa xyala yab'i: "Kerem, wa xkala awab'i, k'e'anxa". Cha ja ya'ani, lajan sok ajyí, jel t'ilan ja ak'ixuke kerem jumasa'i, oj cho k'e'uke', ja'xa oj yale' ja sk'umale'i. Ja'xa ja ke'ntiki jel t'ilan oj cho jmaklatik ja ye'nle'i. Jel t'ilan ja jnolantiki oj skolta jujune ak'ixuk kerem jumasa' b'a oj k'e'uke' ja'xa oj yal ja sk'umali. . Jel t'ilan oj jsutu chikan jastikili b'a oj sta'e ja ye'nle'i ja smeranil slekilali, b'a oj ch'ijnajuk ja sti' ja'xa b'a ochuke ti b'a snalan ja stukb'esjelali ja kala najtiki.
Ja stzakwali ja jsak'aniltiki
< Ja yal Ju'unil ja Jwawtiki ja ya'an k'ak'u wa smono ja yaltzilal ja ak'ixuk kerem jumasa' sok ja yentoril ja Kiglesyatiki. Jel t'ilan oj kab'tik ja sti' ja Jesusi ja ma' wa xyala'a kab'tik: "K'e'anxa". Mi xb'ob' oj kantik lom b'a'an yuj ja jk'umaltiki, ma yuj mi kocheluktik ja wokolanel. Mok xiwkotik yuj ja sjomjelali ma ja kab'altiki. Ja niwan xiweli sok ja k'ixweli ja'ni oj jtela k'ab'tik ja'xa mini xk'ulantik yuj ja mi kocheluktiki. Ja stzakwali ti b'a sti' sat ja Jesusi wa slokowotik oj ochkotik b'a oj jtalnatik ja sak'anili b'a chikan jas sb'ej: ja Jnantik K'inal, ja jnajtikili, ja jnolantiki, ja'xa ja ya'an k'ak'u wa slokowotik oj jtalna ja jsak'aniltiki ja'xa ja sje'jeli ja ak'ixuk kerem jumasa'i. La'xa oj jle'tik b'a aye', la'xa oj jmojtatik b'a ochuke' ti b'a yoj jnalantiki. Jel t'ilan ja jujune ak'ixuk kerem jumasa'i oj yab' ti b'a stze'eli ja Jesusi ja'xa oj smakle' ja sti'i: "Kerem, wa xkala awab'i, k'e'anxa".
No hay comentarios:
Publicar un comentario